Ginatumod pa sang Bacolod City Disaster Risk Reduction Management Office ang chemical nga yara sa ginhaboy sang isa ka estudyante sang Bacolod City College nga color smoke sa ila ginpatigayon nga activity para sa subject nga Physical Education kun sa diin nagkalalipong ang 22 ka indibidwal kalakip na ang isa ka Public Order and Safety Office nga nagsaka man ang blood pressure matapos makahaklo sang aso gikan sa props.
Sa interview sang Bombo Radyo Bacolod kay CDRRMO Head Dr. Ana Maria Laarni Pornan, may yara sang 22 ka mga nagkalalipong matapos makahaklo sang aso nagikan sa nasambit nga props kun sa diin lima diri ang gindala sa ospital kalakip na ang POSO para sa dugang nga medical bangud nabudlayan na magginhawa kag nagsaka naman ang blood pressure sang POSO guard.
Samtang ang nabilin naman ang ginhatagan sang oxygen kag first aid sa ambulansya sang CDRRMO.
Suno kay Pornan, wala pa sila makahibalo kun ano ang chemical nga yara sa color smoke nga nagtuga sang pagkalipong sang 22 ka indibidwal.
Nagpadulong man sa eskwelahan si Dr Grace Tan nagikan sa City Health Office agud nga magbulig sa pag-assess kag pagobserbar sang mga estudyante nga nalipong.
