Ginaduso sang presidente sang Alliance of Hog Raisers Association of Negros Occidental ang full investigation agud matumod kun diin gid man ang matuod nga ginhalinan sang African Swine Fever matapos magpositibo sa ASF ang mga baboy sa Barangay Taculing, Bacolod City nga ginkuha sa siyudad sang Bago.
Sa interview sang Bombo Radyo kay Ric Lauron, isa ka masubo nga balita para sa mga hog raisers nga may yara na sang kaso sang ASF sa probinsya sang Negros Occidental.
Suno diri, madamo sang mga baboy nga handa na kuntani ipasulod sa merkado apang wala sang mga buyer.
Pahayag ni Lauron, sang nagpositibo ang mga baboy sa ASF, nag-amat-amat hina ang baklanay sang mga baboy nga sa karun wala na sang mga nagabakal nagikan sa gwa sang probinsya kag ini naman ang ginapanghayhay sang mga hog raisers.
Wala pa sang kasiguraduhan kun ano ang tikang nga mahimo sa mga ready to market nga mga baboy nga wala na sang may mabakal.
Suno kay Lauron, dapat makontrolar ang paglapta sang virus, sa ASF man ukon hog cholera nga ginatunaan sang pagkapatay sang baboy nga nagaapekto sa hog industry.
