Nahul-ab ang atop sang isa ka kalan-an matapos nga maagyan sang buhawi sa Hinigaran-Isabela Road, Barangay Nanunga, Hinigaran, Negros Occidental.
Suno kay Leo Lumauag, operator kag dispatch officer sang Municipal Disaster Risk Reduction Management Office sang Hinigaran, matawhay lamang ang panahon sang Lunes sang nagluntad ang buhawi.
Suno kay Lumauag, wala man sang iban nga nadalahig nga balay magluwas sa nahul-ab nga atup sang isa ka kalan-an.
Suno diri, maswerte man nga wala man sang nagakaon sa kalan-an sang naglabay ang buhawi.
Nakuhaan naman sang litrato ang nahul-ab nga atop sang karinderia kag naassess naman sang Local Government Unit sang Hinigaran ang damage sa kalan-an kag posible man nga mahatagan sang assistance bangud ini ang ginakuhaan sang ila nga palangabuhian.
