35 tanan ka mga idik ang ginhungod patay kag ginlubong sa Galang Compound, Purok Paghidaet, Barangay Tangub, syudad sang Bacolod agud nga indi na maglaton pa ang African Swine Fever.
Sa interview sang Bombo Radyo Bacolod kay Chito Villaflores, backyard hog raiser, 28 tanan ka mga idik sini ang ginpatay apisar nga indi pa kuntani ang mga ini magpasugot bangud ang pagsagod sang baboy na ang ila nangin palangabuhian sa sulod sang 30 anyos.
Suno kay Villaflores, may yara ini sang baboy nga nagbatyag kun sa diin ginbulong pa sang mga ini kun sa diin naulian man apang pagkadason nga adlaw nawad-an na ini sang gana nga magkaon kag nag-amat amat nalang pangluya.
Suno diri, may yara sang 12 ka mga baboy ang napatay kun sa diin ang duha ang ginkuhaan sang blood agud ipadalom sa sa test agud mahibaluan ang balatian sang baboy nga gintunaan sang pagpalangluya kag pagsuka.
May yara man ini sang gindispose nga nayon.
Ginpahayag man sini nga wala ini nagapakaon sa iya baboy sang damog bangud may yara sang nagadeliver sa ila sang feeds.
Ginpasalamatan man sini ang punong barangay nga nagbulig sa ila.
Suno diri masakit para sa ila kag dako nga kapierdihan ang natabo sa ila nga ginasagod nga baboy.
Suno kay Villaflores,ang tanan sini nga mga ginasagod nga baboy ang nabakunahan bangud kun wala indi man nila ini madispose bangud ang mga vaccinated ang ginapangita sang mga buyers.
Nagpanugyan man ini sa mga backyard hog raisers nga kaangay niya nga kun may yara sang ginabatyag ang baboy kinahanglan nga ipahibalo na sa Punong Barangay agud nga mahimuan sang solusyon ang ginapangatubang nga problema sa sapat.
Apisar nga masakit para sa ila nga mga manugsagod sang baboy sa Barangay Tangub syudad sang Bacolod nagpasugot na lamang ang mga ini i-culling ukon patyon nalang kag igalubong ang ila mga idik agud nga matapna na ang paglapta sang African Swine Fever.
Sa interview sang Bombo Radyo Bacolod kay Maricar Miravalles, una nga nagbatyag ang ginasagod niya nga nayon kun sa diin gintinguhaan nila nga mabulig kag mabuhi apang wala gid ini matabangan.
Suno kay Miravalles, ginlubong nalang nila ang ila nga napatay nga nayon nga baboy apang pagsik naman ang pito sini nga idik.
Suno diri, may yara sang mga buyer nga nagkadto sa ila agud magbakal sang idik apang ang presyo ang halos nalang sini pangayuon gani wala nalang nagpasugot nga ibaligya.
Ginpahayag sini nga agwantahon nalang nila kun magmasakit gid man ang mga idik bangud nagbatyag na ang iloy sangsa ibaligya nila sa tuman kabarato nga presyo.
Dako man nga kapierdihan para sa ila apang nakahangop man ini sa negosyo may yara gid sang kapierdihan.
Wala man ini nagkadto kun sa diin ginlampusan ang mga baktin sa baylo kuryentihon bangud nagabato ini kag nagalain man ang buot sini nga ang baboy ang nagahibi.
Ginlantaw nalang sini nga malubong ang iya nga mga idik nga pito kabilog kun sa diin ginhungod nga patyon agud malikawan na ang paglapta sang balatian.
Suno kay Miravalles, nagpasalamat na lamang sila sang inisyatibo ni Punong Barangay Noli Villarosa nga baklon sang tag P3,000 ang isa ka baktin bangud mas maayo nalang ini kaysa wala nagid sila sang makuha.
Sa karun mangita nalang anay sila sang iban nga palangitan-an samtang yara pa ang virus nga nagatuga sang masakit sa mga ginasagod nila nga baboy.
