Ginpanindugan sang alkalde sa syudad sang Bago nga wala sang kaso sang African Swine Fever sa ila nga syudad bangud santo sa resulta sang mga samples nga ginkuha sa mga napatay nga baboy sa syudad sang Bago, hog cholera ang rason sang ila kamatayon.
Sa interview sang Bombo Radyo Bacolod kay Bago City Mayor Nicholas Yulo, kun ano ang resulta sang test sa sample nga ginkuha sa baboy sa syudad amo ini ang ila sundon.
Suno kay Yulo kun matuod nga ASF ang masakit sang baboy nga gin-aligar nga ginbakal sang mga youth sa Barangay Taculing syudad sang Bacolod ngaa nagdangat pa sa duha ka semana antes mapatay bangud kun natapikan sang balatian nga ASF, indi malab-utan sang duha ka semana, mapatay na ang baboy.
Suno kay Yulo, kun matuod nga sa syudad sang Bago nabakal ang baboy mahimo nga sa syudad na sang Bacolod natapikan sang ASF.
