Pabor ang Police Regional Office 6 nga ipaidalum sa drug test ang mga magapadalagan sa Barangay and Sangguniang Kabataan Elections.
Suno kay PRO6 Spokesperson Police Major Mary Grace Borio, sa 430 ka mga opisyales sang barangay nga nalakip sa watchlist sang Philippine National Police, 76 ang nagikan sa Western Visayas.
Ini ang ginalakipan sang 20 ka mga punong barangay kag 56 ka mga barangay kagawad.
42 diri ang yara sa watchlist, 29 ang surrenderees kag lima ang naaresto.
Suno kay Borio, nagakadapat lamang nga ipaidalum sa drug test ang mga magapapili sa Barangay and Sangguniang Kabataan Elections agud maclear nga wala sila sang connection sa illegal nga druga.
Suno diri, kun wala man lang sang may ginatago, wala sang dapat nga kakulbaan sa pagpaidalum sa drug test.
Suno sa iya, kun may mga opisyales sang gobyerno nga naga-engage sa illegal drugs, ini ang iga-operate sang local police.
