Pirmado na ang joint venture agreement sa tunga sang Central Negros Electric Cooperative, Inc. (CENECO) kag More Power angot sa improvement sang serbisyo sang power distributor.
Nagsaksi sa signing sanday Vice Governor Jeffrey Ferrer, Congressman Stephen Paduano, mga barangay officials kag iban pa nga stakeholders.
Suno kay Roel Castro, Presidente sang More Power, makabig ini nga maragtason indi lamang para sa CENECO kundi para man sa ila.
Suno kay Castro, ini agud makahatag sang maayo nga serbisyo sa franchise area sang CENECO kag maga-extend sang technical kag financial needs para sa Joint Venture Agreement.
Samtang, ginpahayag naman ni Atty. Arnel Lapore, general manager sang CENECO, nakit-an sini ang kabudlayan sang electric cooperative sa bahin sang governance kag paggamit sang resources.
Nagalaom ini nga makit-an sang mga member-consumers ang kaundan sang JVA kag 25 ka adlaw humalin subong, magapatigayon sang plebisito kun sa diin may kinamatarong sa pagboto ang mga member-consumers.
Suno diri, tanan ang may yara sang tingog kun sila ang maga-yes ukon maga-no.
Suno kay Lapore, ini ang patigayunon simultaneously sa tanan nga franchise area sang CENECO sa Hunyo 24 kag 25 kag Hulyo 1 kag Hulyo 2.
Suno sa iya, ini ang santo sa Presidential Decree 269 nga kun may deposition asset, kinahanglan sang majority consent sang consumers.
Ginapahanugutan naman ang proxy basta detalyado kag nanotaryuhan sang abogado.
Nagapati naman si Punong Barangay Rodolfo Pico Jr. sang Barangay Mansilingan nga mas paborable sa mga pumuluyo kag mga konsumedor sang ila barangay, nga amu ang may pinakadamo nga botante, ang Joint Venture Agreement.
Suno sa iya, santo sa kaundan sang presentasyon sang speaker sa ila, mas maayo ang JVA agud masiguro nga ang power nga kinahanglanon sang mga konsumedor ang mahatag sang maayo kag mahatagan sang nagakaigo nga solusyon ang problema.
Suno pa diri, makita man sa experience sang Iloilo sa More Power nga imbes nga nagsaka ang ila rate, baliskad ang natabo gani wala sang dapat duha-duhaan ang mga konsumedor.
