Suportado ni Congressman Joseph Stephen Paduano representative sang Abang Lingkod ang joint venture agreement sa tunga sang Central Negros Electric Cooperative, Inc. (CENECO) kag More Power.
Suno kay Paduano, sa karun nga malapit na ang expiration sang prangkisa sang CENECO wala ini nagaduha-duha sa pagrenew sang franchise sa idalom sang JVA para sa progreso.
Indi na sini luyag pa nga amo man sa gihapon ang sistema sang serbisyo sa kuryente sa siyudad sang Bacolod.
Nagapati si Paduano nga dako nga problema ang serbisyo sang CENECO sa siyudad sang Bacolod, Bago, Talisay, Silay kag banwa sang Don Salvador Benedicto kag Murcia kasubong man nga may yara pa sang utang ang CENECO nga P800 million.
Gani kwestyon sini sa mga konsumedor kun husto lang bala sa ila ang serbisyo nga ginahatag ni CENECO.
Gintawag man sini ang atensyon sang mga punong barangay nga nagapamatok sa JVA nga ila I-eksplekar sa ila constituent nga sila makabaton sang husto nga serbisyo.
Apang, pahayag ni Paduano siya mismo manaog sa mga barangay kag mag eksplekar nga sila ma-antos gid sa kuryente kun wala sang joint venture agreement sa tunga sang Central Negros Electric Cooperative, Inc. (CENECO) kag More Power.
