Nagpabutyag sang pagpamatok ang anay konsehal sang Bacolod City sa Joint Venture Agreement sa tunga sang Central Negros Electric Cooperative kag More Power.
Kahapon, nagpatigayon sang public hearing ang committee on energy sa Sangguniang Panlungsod sang Bacolod kun sa diin gin-imbitar ang mga tiglawas sang CENECO, More Power kag pila ka mga grupo nga nagabantay sa sitwasyon sang kuryente kag ini ang gintambungan man ni Former Councilor Atty. Archie Baribar.
Suno kay Baribar, nagapamatok ini sa JVA bangud pangayaw ang More Power gani wala sila sang tagipusuon para sa mga konsumidor.
Suno sa iya, isa ini ka korporasyon kag ang primary purpose sang korporasyon amu ang pag-angkon sang ginansya.
Suno sa anay konsehal, kun magbungguanay na ang ginansya kag kaayuhan sang pumuluyo, sin-o ang pwede matukso bangud taga Manila ang mga ini samtang ang CENECO naman ang pwede sa gihapon masaway.
Ginakwestyon man ni Baribar kun ngaa ginadali-dali gid ang JVA kun sa diin Pebrero 16 lang nagsugod kag wala pa nalab-utan sang apat ka bulan.
