Bukas ang presidente sang More Power sa pag-atubang kag pagsabat sa pamangkot sang mga nagapamatok sa Joint Venture Agreement sa tunga sang Central Negros Electric Cooperative kag More Power.
Suno kay Roel Castro, bukas ini sa pagpakighinun-anon sa mga tawo nga bukas ang panghuna-huna.
Suno kay Castro, ang signed JVA ang subject sang plebisito gani kun wala sang napermahan nga agreement, wala sang may iplebiscite.
Suno sa iya, indi ini apektado sa mga negatibo nga komento nga ila nagakabaton kag ginpahayag nga sila ang nagafocus lamang sa mga konsumedor.
Suno diri, kun indi malipayon ang mga consumers, sarang nila ini nga mapabutyag sa referendum.
Nagpromisa naman ini nga igahatag sang More Power ang mga programa para sa mga consumers basta sila ang pahanugutan lamang.
Dugang pa sini nga kun malipayon na ang mga konsumedor sa serbisyo sang Ceneco, amu ina ang ila himuon apang kun indi, sila ang magadeliver sang mas maayo nga serbisyo.
Nagapati man si Castro nga ang mga konsumedor sang Bacolod ang kaangay lamang sa mga konsumedor sang Manila kag Iloilo nga nagademand lamang sang maayo kag transparent nga serbisyo.
