Ginrekomendar sang Sangguniang Panlungsod sang Bacolod sa City Mayor’s Office nga isuspend liwat ang punong barangay sang Barangay 16 nga si Joseph delos Santos.
Suno kay Councilor Al Victor Espino, chairman sang committee on laws sa Sangguniang Panlunsod, nagpasar ang Bacolod City Council sang resolusyon sa ila regular session kahapon sang hapon nga nagapasuspend kay delos Santos sang 60 ka adlaw ukon duha ka bulan.
Dugang pa ni Espino nga ila dagdagan sang duha ka bulan nga preventive suspension si delos Santos bangud sang panibag-o nga kaso nga ginpasaka sang mga barangay kagawad sang Barangay 16 sa diin wala naga-attend sa session ang ila kapitan sa lima ka asud-asod nga tion.
Ginpaathag man ni Espino nga wala nagasabat si delos Santos sa kaso nga ginpasaka sa iya sa SP, gani ila ginrecommend ang 60 dias nga preventive suspension.
Natapos na kuntani kahapon ang anom ka bulan nga suspension ni Delos Santos sa kaso nga ginpasaka man sang mga kagawad sini angot sa delayed nga sweldo.
