Wala na sang may nakapwesto nga nagabaligya sang street foods sa North Capitol Road matapos nga ginpahalin sang City Legal Office.
Sa interview sang Bombo Radyo kay Rene Imperial, bise presidente sang Bacolod Public Plaza Vendors Association, padayon sa gihapon ang ila pagbaligya sa public plaza bangod nga may yara sila sang kumpleto nga papeles kag mga IDs nga ila gintinguhaan nga ginprocess ang ila requirements agud mangin legal ang ila pagbaligya sa plaza.
Suno diri, ginpahalin ang mga vendors nga indi miyembro sang ila assosasyon kag wala sang may napresentar nga ID.
Pahayag ni Imperial, sa idalom sang ila asosasyon, ila ginasiguro nga matinlo ang plaza kag wala ang mga ini nagagamit sang delikado nga mga gamit nga makahalit sa mga manugbakal kag sa palibot.
Gani ginakabalak-an sini nga may yara sang mga nagabaligya nga nagagamit sang butane ukon gasol sa pagluto nga may malain nga aso kag ang mga basura ang kun diin-diin lang ginahaboy.
