Nagapanawagan si Retired Col. Jerson Juarez sang Veterans Federation in the Philippines sa tanan nga mga lideres sang gobyerno nga mangin isa ka ehemplo sa pagpanguna sa pagselebrar sang 125th Independence Day.
Sa interview sang Bombo Radyo kay Juarez, dapat nga itudlo kag ipaintindi sang mga local government units sa mga kabataan nga mangin makabansa nga indibidwal.
Suno diri, ang mga lideres ang dapat nga mangin ehemplo kag mag-ingganyo sa tanan nga mag-upod sa pagselebrar sang ika-125 nga tuig sang kahilwayan.
Para kay Juarez, ang gobyerno dapat maggiho sa pagtrabaho sang husto kag indi nga magmando lang.
Lakip sa trabaho sang political leaders ang paghatag sang importansya sa selebrasyon sang Independence day para sa pagdumdum sa tanan nga nagbato, nangisog kag nagpanginmatay para sa kahilwayan sang aton pungsod.
Apang sa karun pilahon na lang ang may luyag nga makigbahin sa military para magserbe sa nasyon.
Gani kwestyon sini kun wala sang may magsulod nga mga youth sa militar, sin-o ang madepensa sa nasyon sa sunod nga henerasyon.
