Ginpadumdum ni Negros Occidental Governor Eugenio Jose Lacson nga indi lamang isa ka petsa sa kalendaryo ang independence day apang ini pagdumdum sa tanan sa mga sakripisyo sang mga baganihan sang Pilipinas.
Suno kay Lacson, sa karun ang nasyon may yara na sang progreso, maayo nga demokrasiya, mataas nga ekonomiya, kag mabakod nga imprastraktura, apang ginpadumdum sini nga indi pagkalipatan ang mga pagpanghangkat nga naagyan sang aton nasyon.
Suno diri, ang pagsanyog sang nasyon ma-agom kun ang tanan naga-isa kag ginapahigad ang kinalain sang kada isa sa pulitika, rehiyon, kultura ukon sosyudad.
Para kay Lacson, ang prosperidad sang Pilipinas amo nga hilway sa kapigaduhon, korapsyon, kag abuso.
Kag ang nasyon mangin isa ka sosyodad nga wala sang ni isa ka Pilipino nga mabilin bangod tanan makaangkon sang patas nga oportunidad.
Kaupod sang tanan nga nagtambong sa selebrasyon sang 125 th Independence Day, gin-agda sini ang tanan nga mangisog sa pagtapak sa mas maayo nga bwas damlag.
