50 porsyento na sang mga kabanwahanan kag kaciudaran sa Negros Occidental ang nakareport sang hog deaths bangud sa balatian.
As of June 11, nagdangat na sa P136 million ang balor sang mga baboy nga nagkalamatay sa bilog nga probinsya sang Negros Occidental.
12, 139 ka mga baboy ang nagkalamatay halin sang Abril 27 tubtub June 11 sa 126 ka mga barangay sa 16 ka mga banwa kun sa diin 2, 294 ka mga hog raisers ang apektado.
Sa 2nd District, nagdangar na sa 491 ka mga baboy ang napatay nga ginalakipan sang 322 ka mga baboy ang napatay sa Manapla; kag 169 sa Cadiz.
Sa 3rd District, 1,196 na ka mga baboy ang napatay nga ginalakipan sang 132 sa Silay; 908 sa EB Magalona; 60 sa Talisay; kag 96 sa Murcia.
9,572 naman ka mga baboy ang napatay sa 4th District nga ginalakipan sang 2, 671 sa San Enrique; 2, 132 sa Valladolid; 833 sa Pulupandan; 1,204 sa Pontevedra; 2,264 sa Bago City; kag 468 sa La Carlota.
Samtang 249 naman ang napatay sa 5th District nga ginalakipan sang 15 sa Hinigaran kag 234 sa Binalbagan; samtang 631 sa 6th District nga ginalakipan sang 373 sa Ilog kag 258 sa Kabankalan City.
Suno kay Governor Eugenio Jose ‘Bong’ Lacson, nagnubo na ang numero sang nagakapatay kada adlaw.
Nagapanguna naman nga rason sang ila kamatayon ang hog cholera apang may iban nga LGU nga nakarecord sang African Swine Fever.
Suno diri, ginasunod sang provincial government ang protocol sang Bureau of Animal Industry sa pagdeal sang balatian.
Nagnubo naman ang presyo sang buhi nga baboy gani ginaengganyo ang mga hog raisers nga ibaligya sang temprano ang baboy kag indi anay magdugang sang population, apang aminado man ang gobernador nga indi ini mahapos himuon.
