Bangkay na sang nakit-an ang lalaki nga namissing matapos nalunod sa baybayon sang Purok Sibucao, Barangay Banago, sang Domingo sang aga.
Madumduman nga magkaupod ang tatlo nga sanday Glen Kahapunon, 34 anyos, Bryan Jayson Sabio, 26 anyos mga residente sang Barangay 1 Bacolod City, lunsay nagatrabaho bilang security guard kag Ernesto Roque, 24 anyos, residente sang Barangay Banago, Bacolod City kag sila nga tatlo naghinagaray nga magboating kun sa diin ang insidente nagluntad sa Purok Sibucao, Barangay Banago, kaina sang aga.
Sang yara sa tunga sang lawod, hinali lang nga naglumpat si Kahapunon kag ini nagangisi pa.
Apang sang naglayo na ang ila nga pumpboat, nagsinggit si Kahapunon nga siya buligan kay siya malunod na.
Naglumpat si Roque para magbulig kag sang nakuha na sini si Kahapunon, mabudlay kay Roque kay siya ginabuyotan sang isa.
Iya pa ginhambalan si Kahapunon nga siya indi pagbuyotan kay duha gd sila malunod.
Nagbulagay ang duha bangod nga duha gid sila kuntani ang malunod apang mahimo nga nakabalik si Roque sa pumpboat.
Si Sabio naman wala naglumpat bangod nga indi man ini kabalo maglangoy, iya gintinguhaan nga paandaron ang pumpboat kag ini man nagandar apang indi naman ini kabalo mag operate.
Dali-dali nga nagpadulong sa coast guard ang duha agud mangayo sang bulig.
Suno kay Coast Guard Western Visayas District Chief of Staff kag Public Information Officer Commander Jansen Benjamin, ala 1:35 kahapon sang hapon sang nakit-an ang bangkay ni Kahapunon kahapon.
Ini ang nakita sang isa ka mangingisda.// Suno diri, ang pamilya sang biktima ang nag-identify sa iya kag ginturn over na ini sa iya pamilya.
Posible nga wala ini nakit-an sang Domingo bangud lubog ang tubig.
