Anum ka patay nga idik ang nasapwan nga naga-utaw utaw sa suba sa Barangay Vista Alegre sang Domingo.
Suno kay Punong Barangay Leonardo De Leon, sang tinalikdan nga semana, may isa ka nayon nga napatay kag ila ini gilayon nga ginpalubong samtang gina-obserbahan naman ang upod sini nga nayon.
Sang damlag lang, may isa man na kaboy nga napatay sa isa ka purok kag padayon paman nga gina-obserbahan ang kaupod sini.
Suno kay De Leon, ang pinakamasubo amu nga may nasapwan sila nga anum ka mga idik nga nagautaw-utaw sa suba.
Suno diri, posible nga gin-ihaw sang hog raiser ang nayon apang wala nahibaluan nga nagabusong kag didto na lamang nakit-an nga may anum ka mga idik.
Posible nga nagdesisyon nalang ini nga putson ang mga ini sa plastic kag ipaanod sa suba.
Suno sa punong barangay, ila na lamang ginputos ang mga idik kag ginpalubong paagi sa bulig sang African Swine Fever (ASF) Task Force.
Nagapanawagan ini sa mga hog raisers nga kun sila ang mapatyan sang baboy, gilayon nga makig-angot sa mga opisyales agud sila ang mabuligan sa insakto nga pagpalubong.
