Mangin basehan ang performance sa ginaplano nga reshuffling sang mga department heads sa syudad sang Bacolod.
Suno Bacolod City Mayor Alfredo Benitez, aminado ini nga may yara gid man siya sang plano nga magpatuman sang reshuffling sang mga departments heads sa Bacolod City Government.
Suno kay Benitez, ang plano nga reshuffling sang mga department heads ang may tinutuyo nga malab-ot ang mga plano sang administrasyon para sa syudad.
Suno diri, ang performance sang mga ini ang mangin basehan sa pagtalana sang panibag-o nga posisyon sang mga department heads.
Nakadepende man sa alkalde ang paghatag sang bag-o nga departamento nga pamunuan sang mga ireshuffle nga department heads.
Samtang natalana nga magadeliver sang pinakauna nga State of the City Address ang alkalde sang syudad sang Bacolod sa July sa Sangguniang Panlungsod (SP) Session Hall.
Suno kay Bacolod City Mayor Alfredo Benitez, nagpatigayon na sang regular meeting ang tanan nga mga executive assistants kag gin-istoryahan ang pagpatigayon sini sang State of the City Address.
Suno kay Benitez, magapresentar ini sang iya nga SOCA sa regular session sang City Council.
Ang SOCA, ang magaunod sang reports sang nahimo sang administrasyon sini sa sulod sang isa ka tuig.// Una na nga ginpahayag nga ini ang may concept nga Live, Work and Play.
