Pabor ang regional director sang Department of the Interior and Local Government (DILG) Regional Office 6 nga ipadalom sa drug test ang magapadalagan nga mga public officials bangud siya mismo ang luyag nga drug-free ang mga elected public officials.
Suno kay DILG 6 Director Juan Jovian Ingeniero, pag-abot sa kampanya batok sa illegal nga druga ginapaboran sini ang mga tikang kaangay sang drug test sa magapapili sa palaabuton nga Barangay kag SK Elections sa bulan sang Oktubre.
Suno kay Ingeniero, madugay naman nga programa sang DILG kaupod ang local government units nga nagadrug clearing operations.
Ginpahayag man sini nga dapat ang magapungko nga public officials ang drug cleared na bangud indi maayo sa isa ka barangay nga ginapamunuan sang wala maklaro sa illegal nga druga.
