Nagpasa sang unsolicited proposal ang isa ka Globe subsidiary company sa Bacolod City sa pagpatukod sang command center.
Suno kay City Legal Officer Atty. Romeo Carlos Ting Jr., ginpropose sang High Data Infra Corporation ang “financing provision and management of an integrated information technology system” agud mangin isa ka super city ang Bacolod.
Suno kay Ting, sila ang magacover sa infrastructure, hardware kag software equipments sang ginapropose nga command center.
Suno diri, wala pa sang definite proposal kag ini ang ginbaton pa lamang sang ciudad.
Natalana naman nga magpresentar ang High Data Infra Corporation sang natuhoy diri sa masunod nga semana.
Suno sa iya, plano ni Mayor Alfredo Benitez nga kun matukod ang command center, ini ang pagalakipan sang City Disaster Risk Reduction Management Office (CDRRMO), Philippine National Police, Bureau of Fire Protection kag iban pa nga ahensya.
