Pilason ang 29 anyos nga mangunguma matapos ginbuno sang bayaw nga lalaki sa Sitio Tikoy-tikoy, Barangay Cbacungan, banwa sang La Castellana.
Ang biktma ang ginkilala nga si Oliver Antonio, 29 anyos kag isa ka mangunguma, samtang ang suspetsado naman ang ginkilala nga si Jerson, Dela Cruz, 23 anyos, lunsay mga residente sang nasambit nga lugar.
Sa imbestigasyon sang La Castellana Municipal Police Station, yara sa balay sang iya iloy si Oliver nga hubog kag siya ginsugat sang iya asawa nga si Jerlyn Antonio kaupod ang utod sini nga si Jerson Dela Cruz, nga amo ang bayaw sang biktima.
Nagka-argumento ang mag-asawa kag ini gintambagan ni Dela Cruz apang siya ginsumbag ni Oliver kag hinali na lang nga ginbuno ni Dela Cruz si Oliver sa tiyan.
Sa karun yara sa Corazon Locsin Memorial Regional Hospital sa Bacolod City si Oliver samtang si Dela Cruz naman yara sa kustodiya sang La Castellana Municipal Police Station.
