Kumporme ang alkalde sang ciudad sang Bacolod nga nalab-ot sang Prime Electric Holdings Incorporated ang tatlo sini ka requirements kag dugang pa nga ang alkalde mismo sang ciudad sang Iloilo ang nag-endorso sang Prime Electric santo sa ila naeksperyensya nga serbisyo sang More Power sa Iloilo.
Suno kay Bacolod City Mayor Alfredo “Albee” Benitez, ang tatlo sini ka requirements, amo ang manubo nga system loss kag electricity rate, kag go green sa gamiton nga electric energy.
Suno diri, ang system loss nagikan sa kapin 8 percent mangin 5 percent na lamang ini nag suno sa alkalde isa ka dako nga butang.
Kapin P2 billion naman ang iga-invest sang Prime Electric para sa bag-o nga equipment kun mapasar ang JVA kag magapatigayon man ini sang meeting para sa mga renewable power generator nga magasupply sa CENECO.
Dugang pa sini, ang serbisyo sang CENECO tuman kanubo, mga poste nga nagatakilid, inid makay-o; kun tawagan, madugay magsabat; magpatakod sang metro pila ka bulan pa antes matrabaho.
Ini man gin-endorse sang alkalde sang Iloilo Jerry Treñas santo sa naeksperyensya sini sa serbisyo sang More Power kun sa diin nakita sini ang maayo nga management style kag standard nga serbisyo.
Pahayag ni Benitez, ang tanan nga ingredients nga pabor para sa tanan yara sa JVA kun sa diin tanan nga konsumedor ang makabenepisyo sini.
