May yara na sang temporaryo nga alagyan kag barrier ang old airport access road para sa ginaplano nga two lane project sa dalan sang St. Vincent Village padulong sa Villa Esperanza Barangay Singcang Airport kag vice versa.
Suno kay Assistant City Engineer Ephraem Hechanova, nagprocure ang ciudad sang concrete barrier nga nagabalor sang P3 million kag P8 million naman ang inisyal nga budget nagikan sa pondo sang City Mayors office ang para sa duha ka lane nga may kalabaon nga 267.62 meters.
Samtang, ang budget naman sang ini nga proyekto ang pagakuhaon sa Development Bank of the Philippines (DBP) loan.
Apang, may yara pa sang kinahanglan nga iproseso ang ciudad sa Civil Aviation Authority of the Philipipnes antes matigayon ang proyekto, gani temporraryo pa lamang ang ini nga dalan.
Ginsuguran na ang pagbutang sang mga concrete barrier agud malikawan ang pagpasulod sang mga vehicle sa luwas sang premiter.
Pahayag ni Hechanova, tinutuyo sang ini nga proyekto makahatag sang benepisyo sa mga pumuluyo sang Barangay Singcang Airport kun sa diin sementado na ang dalan nga maagyan.
Suno diri kun makumpleto na ang kinahanglan nga maproseso, posible nga sa Septyembre concrete na ang dalanon.
