Nagapati ang principal sang Andres Bonifacio Elementary School 2 nga may mga positibo nga epekto sa health sang bata ang hampangan nga “lato-lato” basta may guidance lamang sang ginikanan.
Sa interview sang Bombo Radyo kay Jenelyn Macitas, trend kag sikat sa ila buluthuan sa karun ang lato-lato kag masami nga nagakabatian kun recess ukon kun buhi na sang mga estudyante.
Apang kun class hours, malinong kag indi ini mabatian sa eskwelahan.
Suno kay Macitas, ang mga manunudlo amu ang nagahambal nga untatan ang paghampang sini kun nagaklase bangud ini ang makatuga sang disturbo.
Kun nagatuga naman sang away ukon negatibo nag epekto, ini ang ginaconfiscate kag ginawarningan ang bata.
Ang mga ginikanan naman mu ang ginapakuha sang confiscated nga hampanganan.
Suno diri, may mga psychological effects ang paghampang sang lato-lato ilabi na sa pagrelease sang stress basta yara lamang sa moderasyon.
Paagi diri, mapractice man ang motor skills kag pasensya sang bata.
Apang kun masobrahan, ini ang makahatag man sang danger ilabi na kun indi macontrol kag ma-addict ang nagahampang.
Nagapati ang principal nga kun may guidance man lang sang ginikanan kag indi makatuga sang disturbo, maayo ini nga hampanganan bangud may mga positibo nga epekto.
