Maayo ang assessment sang pinuno sang City Disaster Risk Reducation and Management Office (CDRRMO) sa pagselebrar sang Kafiestahan ni San Juan de Bautista sa Punta Taytay.
Suno kay Dr. Maria Laarni Pornan, diutay ang tawo sa lugar apang may mga hubog nga nagswimming nga wala sang tubig.
Suno sa iya, may mga nakadeploy man nga mga katapo sang Philippine Red Cross kag mga volunteers.
May mga pulis man nga nakadeploy sa kada beach.
Suno diri, sila ang nagalibot kag nagamonitor kag maayo man ang iya assessment.
Panugyan sini nga kun nakainom, indi na lamang magpaligo kag kun indi magpalayo langoy kun high tide.
Kun may problema, suno sa iya, magtawag lamang sa ila hotline bangud may magaresponde nga ambulansya.
Nagaselebrar naman sang iya ika-63 nga kaadlawan sa Punta Taytay si Teresita Ejido, residente sang Barangay Cabug.
Kaupod sini ang iya walo ka mga kabataan, lima ka mga apo kag tatlo ka mga umagad sa pagselebrar sang iya kaadlawan kadungan sang Kafiestahan ni San Juan de Bautista.
