Padayon nga ginabulong ang nasamaran nga 60 anyos nga driver sang modern jeepney matapos nga gintiro sa Palanca Avenue, Barangay 10, Bacolod City.
Ginkilala ang biktima kay Noel Morales, 60 anyos kag residente sang Barangay Pahanocoy, sa nasambit nga syudad.
Suno sa nakakita nga gwardiya sa Palanca Avenue, nagaisi-isi ang jeep nga halin sa north padulong sa South nga direction kun sa diin sakay ang nasambit nga driver ang konduktor sang jeep.
Suno sa gwardiya may yara na sila sang nabatian nga lupok apang wala nila ini ginsapak apang nakita nalang nila nga nag-isi isi na ang jeep.
Bangud sa pag-isi isi sang jeep nakabunggo sa Montero Sport kag didto nakita nga may pilas sa guya si Morales.
Sa karun nagapadayon pa ang imbestigasyon sang Bacolod Police Station 2 sa nasambit nga insidente.
Sa interview sang Bombo Radyo Bacolod kay Police Captain Paul Vincent Pendon, station commader sang Bacolod Police Station 2, ang modern jeep nagapagwa sa Palanca St going pakadto sa North Terminal apang sa likuan palang, ginpahayag sang mga witness nga nakabati na ang mga ini sang lupok.
Suno kay Pendon, nasamaran si Morales kag nagliko padulong sa South nga direction.
Nagpondo naman ang Montero Sport bangud nakita sini nga nagkaon na sang dalan ang modern jeep.
Nabungguan man sang modern jeep ang SUV kag didto nahibaluan nga nagapangayo na sang bulig ang konduktora sang modern jeep bangud may yara na sang igo sang pagtiro ang driver sang nasambit nga jeep.
Suno kay Pendon, gilayon man ini nga ginrespondehan sang tropa sang Bacolod Police Station 1 kag gindala sa Riverside Medical Center
Suno sa station commander santo sa inisyal nga pahayag sang imbestigador nakaagom sang pilas sa idalom sang nawala nga mata kag naglusot sa tuo nga dulunggan.
Riding in tandem ang ginalantaw nga suspek sa shooting incident.
Ginahibalo pa sa karun kun ano ang calibre sang armas-luthang nga gingamit.
Ginapahayag man sang manager sang modernize jeep nga tatlo ka adlaw sang pag-umpisa sang ila nga routa may yara na sila sang pamahog nga nabaton nagikan sa kadam-an sang tricycle drivers sa Bredco port.
Ginalantaw man nila ini nga isa sa motibo sa pagtiro sa biktima kag iturn over naman sa tag-iya ang modern jeep kag magapangayo man ang kapulisan sang kopya sang cctv footage sa modern jeep para sa imbestigasyon.
Samtang, may settlement naman sa tunga sang tag-iya sang modern jeep kag sang SUV.
Nagapadayon sa karun ang imbestigasyon sang mga kapulisan sa insidente agud nga matumod ang suspect kag motibo sa shooting incident.
