4.2 magnitude nga linog sa Antique, nabatyagan man sa Negros Occidental

Nabatyagan ang mahinay nga pagtay-og alas-4:32 kaina sang kaagahon sa ciudad sang Bacolod kasubong man sa pila ka bahin sang Negros Occidental matapos ang pagluntad sang magnitude 4.2 nga linog.

Suno sa PHIVOLCS, ang sentro sang linog ang yara sa 37 km Southeast sang Anini-y, Antique kag ini ang may kadalumon nga 5 kilometros.

Nabatyagan ang Instrumental Intensity 2 sa Anini-y, Antique samtang Intensity 1 naman sa Jordan, Guimaras kag Culasi, Antique.