May ginreserve nga P8 million ang provincial government sang Negros Occidental para sa delegation sang probinsya sa Palarong Pambansa nga patigayunon sa Marikina sa Hulyo 29 tubtob Agosto 5.
Sa interview sang Bombo Radyo kay Romeo Sison, provincial sports coordinator sang Negros Occidental, ang mga atleta nga nagqualify sa pre-qualifying meet ang magarepresent sa Region 6 sa Palarong Pambansa.
Suno kay Sison, masobra 200 ka mga atleta lakip na ang coaches ang delegates magapresentar sa Pilipinas kag may igapadala man nga local officials.
Suno diri, preparado na ang mga atleta kag nakapatigayon na sila sang meeting sa mga coaches kag delegation officials tuhoy diri.
Suno sa iya, may ginreserve ang provincial government nga P8 million para sa delegates kag suno kay Sison, supisyente na ini para sa training, uniform, allowances kag mga kinahanglanon sang mga atleta.
Hunyo 22 tubtob Hulyo 23 ang tentative nga departure sang mga atleta agud may tion pa ang mga ini nga mafamiliarize ang venues.
