Naghugpong ang Philippine College of Chest Physicians Negros Occidental Chapter, Bacolod City government kag iban pa nga grupo agud nga magkampanya batok sa pagpanigarilyo kag vaping.
Suno sa pulmonologist nga si Dr. Ronel Sario, ginselebrar ang World No Tobacco Day sugod sang Mayo 31.
Kaupod ang Philippine College of Chest Physicians National Chapter, nagsaulog man ang Negros Occidental chapter sang kampanya nga nagaissue sang statement batok sa paggamit sang vape kag malain nga epekto sang tabako.
Subong nga adlaw, ginpirmahan ang kaangay nga statement may kaangtanan sa No Smoking Month subong nga Hunyo.
Suno kay Sario, ang pagpanigarilyo ang nagatuga sang masakit sa nagkalain-lain nga bahin sang lawas.
Naghagan-hagan na kuntani ang nagapanigarilyo bangud sa pagpasaka sang sin taxes, apang nagtuhaw naman ang vape ilabi na sa mas huben nga respiratory bangud ginamarket ini nga less evil.
Santo sa pagtuon, ang vape ang makahalit sa respiratory system, atay, kidney kag nervous system.
May una man nga kaso sang e-vaping acute lung injury nga narecord diri sa Visayas.
Ang pasyente ang 16-anyos nga babayi nga naggamit sang vape sa sulod sang anom ka bulan apang nakadevelop sang acute respiratory distress syndrome nga ginkaguba sang iya baga.
Suno sa pulmonologist, ginamarket nga less evil ang vape apang masobra 2,000 ka chemical ang yara sa vape syrup kag ini ang ginasunog, ginasimhot kag nagadiretso ang aso sa baga, gani pareho lang sila ka delikado sang tabako.
Ginapasalamatan naman nila nga may existing city ordinance ang Bacolod halin sang tuig 2013 nga nagadumili sang smoking sa public places kag sang 2016, may ordinance batok sa e-cigarettes.
May collaboration naman ang medical society kag Bacolod City government paagi sa Anti-Smoking Task Force para sa signing sang statement batok sa sigarilyo kag vape.
