Ginhatagan sang 15 ka adlaw ang 16 ka mga employers nga napaslawan sa paghulog sang kontribusyon sang ila mga empleyado sa Social Security System (SSS) agud masettle ang ila mga accounts.
Suno kay Josie Pineda, acting regional communication officer sang SSS Visayas West 1, sila ang may yara sang Run After Contribution Evaders (RACE) Campaign agud magtsekyar kag magmonitor kun nagabayad sang insakto kag kada bulan ang mga employers.
Suno kay Pineda, 299 tanan ka mga empleyado nga nagatrabaho sa coffee shop, drug store, restaurant, construction firms, punerarya, surveying offices kag bakeries ang apektado bangud sa indi pagremit sang kontribusyon sang mga employers.
Suno kay Pineda, kabug-usan nga P8.3 million nga remittances ang wala mabayaran sang 16 ka mga kumpaniya.
Suno diri, sila ang ginhatagan sang 15 ka adlaw agud nga masettle ang ila account paagi sa pagpadulong sa branch kun diin na-associate ang ila mga accounts.
Naga-offer man ang SSS sang contribution penalty condonation.
Suno sa iya, kun indi sang mga ini masettle ang ila accounts sa sulod sang 15 ka adlaw, wala sang choice ang system kundi magfile sang kaso kriminal.
Nagapanugyan man si Pineda sa mga empleyado kag contributors nga tsekyaron ang ila mga accounts online agud mahibaluan kun pila kag kun kada san-o nagahulog ang ila mga employers.
