Ginkalipay sang mga petitioner ang gin-issue sang korte nga 72 hours nga temporary restraining order batok sa plebisito angot sa Joint Venture Agreement sang CENECO kag Primelectric.
Sa interview sang Bombo Radyo Bacolod kay Atty. Wax Apawan, ginakabig sang mga ini nga kadalag-an ang mandu ni Branch 42 Judge Ma Lina Gonzaga nga indi makapatigayon sang plebisito sa Sabado, Hulyo 1 tubtob sa Hulyo 2.
Ang order ang gindagdag ni Gonzaga kadungan sang open court hearing para sa Declaratory Relief.
Ang CENECO kag Primelectric ang kinahanglan nga magsumiter sang ebidensya nga nakapapatigayon sila sang information and education campaign angot sa plebisito.
Suno kay Apawan, ang critical point sang ila nga pagduso nga mapunggan ang nabilin nga inadlaw sang plebisito amo ang ebidensya sang mga respondents nga nagpatigayon ang mga ini massive information drive angot sa matabo nga joint venture agreement sang CENECO kag Primelectric.
Suno sa abugado, may patigayunong nga hearing sa Lunes para sa preliminary injunction.
Ginpahayag man sini nga ang pagpanaog sang TRO ang makabig man nga kadalag-an matapos nga gindampigan ang mga ini sang korte.
Suno kay Apawan luyag man nila nga makita ang legality sang JVA kag kun ini ang nagasunod sa ginamando sang RA 10531 ukon “National Electrification Administration Decree”.
Ginalantaw man sini nga matigayon ang permanent injunction sa ginapatigayon nga plebiscito para sa ginaduso nga joint venture agreement sang tunga sang duha ka electric distributors.
Ginarespeto man sang convernor sang Power Watch Negros ang desisyon sang korte nga pagdagdag sang temporary restraining order batok sa plebiscito nga ginapatigayon para sa Joint Venture Agreement (JVA) sa tunga sang CENECO kag Primelectric.
Suno kay Wennie Sancho, ginakabig sang mga ini nga pagpanghangkat ang pagpanaog sang TRO sang korte.
Suno kay Sancho, indi ini magkomento sa legality bangud indi siya abugado.
Apang para sa ila sa Power Watch, ginarespeto nila ang desisyon sang korte bangud suno diri ang kadalag-an ang indi man mahapos nga pamaagi.
Ginpahayag man ni Sancho nga ang TRO ang makapabakod pa sang ila nga pagtinguha sa pagduso sang pagpatigayon sang Joint Venture Agreement sa tunga sang duha ka power distributors.
