Ginkumpirmar sang station commander sang Bacolod Police Station 7 nga may kaso na nga daan ang lalaki nga nagpangawat sa balay kag nagsunog sang hawla sang pating sa Regent Pearl Homes Subdivision, Barangay Alijis, Bacolod City, Negros Occidental.
Sa interview sang Bombo Radyo Bacolod kay Police Captain Andy Ofalia, station commander sang Bacolod Police Station 7, nakadepende na sa tag-iya balay kag sang pating kun pasakaan sang kaso ang suspek nga ila nadakpan kag positibo man nga ginkilala..
Suno kay Ofalia, una nga nakita nga kaso nga mahimo ipasaka sa suspek ang maliscious mischief bangud sa naglagaw nga posts sa social media.
Apang santo sa imbestigasyon, nakita nga tinutuyo sang suspek nga kawaton ang pating kag posible sini nag nga ibaligya bangud nakilala na ini nga kawatan bangud man sa record sini sa police station.
Nahibaluan nga sang Hunyo 26, ginpablotter sang tag-iya sang balay nga si Carla May Bolonos, 30-anyos ang suspetsado nga si Marvin Jay Lim, 26-anyos, residente sang nasambit man nga barangay bangud sa insidente.
Sa rekord sang kapulisan, nakaagi na priso si Lim bangud sa pagpangawat sini sang bra kag panty sang isa man ka residente sa lugar.
Apang wala matigayon nga mafile ang kaso bangud wala nakapadulong sa estasyon ang complainant kag naglapse na ang reglimentary period.
