Gin-athag sang regional technical director for operations and extensions sang Department of Agriculture Region 6 nga wala sang cash assistance nga mahatag ang DA Region 6 para sa nga hog raisers kag farmers nga apektado sang AfrIcan Swine Fever kag hog cholera, apang sila makakuha sang insurance gikan sa Philippine Crop Insurance Corporation (PCIC).
Kun basehan ang report sang provincial government, masobra na P160 million ang balor sang mga baboy nga nagkalamatay sa Negros Occidental bangud sa balatian.
Sa intervaiew sang Bombo Radyo kay Engr. Jose Albert Barrogo, una gid nga masaligan sang mga hog raisers kag farmers amo ang assistance nagikan sa PCIC.
Suno diri, kun nagpa-insured ang breeder wala sang problema bangod nga immediate ang trabaho sang DA paagi sa PCIC.
Gani gina-ingganyo sini ang mga farmers kag breeders nga ilakip ang insurance sa pagsagod sang baboy.
Pahayag ni Barrogo, ang mabulig sang DA amo ang recovery kag repopulation.// Kun sa diin posible ini nga mag-establish sang massive swine multiplier breeder.
Sa mga Local Government units naman nga may farm breeders posible nga sa ila kuhaon ang mga baboy nga igapanagtag sa mga constituents.
