Pilason ang duha ka pulis matapos nga nagbato ang hubog nga nagamaoy nga ila ginrespondehan kadungan sang kapiestahan sang banwa sang Calatrava.
Sa interview sang Bombo Radyo Bacolod kay Police Captain Jesus Alba, deputy chief of police sang Calatrava Municipal Police Station, ang mga biktima nga sanday Police Corp. Jason Gelil Abas kag Police Corp. Neil Gelarpan ang lunsay mga katapo sang Cadiz City Police Station kag gindeploy lamang sa Calatrava para sa pagseguro sang kalinong kag kahilwayan sa highlight sang kapiestahan sang banwa.
Matapos makabatun sang report nga nagamaoy ang hubog nga suspetsado sa Barangay Lo-ok, Calatrava nga ginkilala kay Ceasmar Chua, 40 anyos, gilayon nga nagresponder ang duha ka police personnel.
Gintinguhaan sang mga ini nga pakalmahon ang suspetsado apang ginwakli sini ang mga kapulisan kag ginsinggitan nga wala pulos ang mga kapulisan.
Ginbuyayaw man sini ang mga nagresponder nga kapulisan sa Bisaya language.
Gilayon naman nga nagdalagan si Chua apang siya ang nalagas sang duha ka pulis tubtob nga sila ang nagpukutay agud nga ini ang maposasan.
Bangod sa pagbato sang hubog, nakaangkon sang mga minor injuries ang mga pulis sa kamot kag siko.
Nahimo naman nga madakop ang suspetsado kag ini ang pagapasakaan sang kaso nga direct assault nga mahimo igafile subong nga Lunes.
