Agud mapanas na ang problema sa Badjao, nagsapol si Bacolod City Mayor Alfredo “Albee” Benitez upod kay Negros Occidental Governor Eugenio Jose “Bong” Lacson agud magpangita sang solusyon batok sa pagduging sang Badjao.
Bangod aminado ang mga ini nga bisan papulion, magabalik gihapon ang Badjao, plano nila magdihon sang mga programa nga maga-edukar sa mga Badjao sa kultura sa syudad, kaangay sa pagtukod sang Badjao Community School.
Nagalaom ini nga updan man sang iban nga local government units (LGUs) ang lihok kag entrahan sang National Government.
Nagapati si Benitez nga ugyunan man ni Iloilo City Mayor Jerry Treñas ang napinsaran nga programa ilabi na nga indi lamang sa Bacolod City, Ilo-ilo City, kag Negros Occidental nagaliyong kag nagapangayo-kayo ang mga badjao kundi sa halos tanan nga bahin sang Pilipinas.
