Ginbuksan na subong nga hapon ang Government Service Express Center sang Bacolod sa isa ka mall sa reclamation area.
Sang ulihi nga semana sang bulan sang Hunyo, isa ka simulation exercise ang ginpatigayon agud matest ang servers kag equipment nga gamiton sang nagkalain-lain nga departamento nga magahatag sang madasig kag mahapos nga serbisyo paagi sa Government Service Express Center.
Suno kay Dr. Frances Mae Llamas, head sang local economic development and investment promotion, ang Counter 1 ang para sa Department of Trade and Industry (DTI) para sa business name registration.
Ang Counter 2 ang para sa Zoning Division nga amo ang City Planning and Development Office agud nga makakuha sang zoning locational clearance for business permit.
Ang Counter 3 ang para sa Office of the Building Official; Counter 4 para sa Bureau of Fire Protection para sa fire safety inspection and evaluation.
Yara man ang City Health Office para sa transactions sa Vax Certifications and Health Certificate; Business Permit and Licensing Office para sa issuance sang Mayor’s Permit, burial, kag Mayor’s Certification ukon Clearance; Local Civil Registrars para sa PhilSys Birth Registration Assistance Program; Department of Social Services and Development para sa issuance sang OSCA ID, Social Pension and Ladderized scheme sang centenarian incentives.
Ang Counters 9 to 12 naman ang designated para sa City Treasurer’s Office para sa licensing kag land tax assessment and payment.
Ang Government Service Express Center ang bukas halin alas-9:00 sa aga tubtub alas-6:00 sa gab-i.
