Nangin matawhay ang ginpatigayon nga raffle sa mga vendors agud nga makakuha sang pwesto sa Annex Building sang Libertad Public Market kahapon.
Sa interview sang Bombo Radyo Bacolod kay Bacolod City Legal Officer Atty. Romeo Karlos Ting Jr., nangin madinalag-on ang ginpatigayon nga raffle para sa vendors apang may yara sagihapon sang wala nakagabot apisar nga tatlo na ka beses ang mga ini nagtinguha nga makagabot para sa ila nga pwesto.
Suno kay Ting, 31 lamang ka pwesto ang available kahapon ang ginraffle.
Suno diri, nakapagwa na sang resolution si Councilor Celia Flor, ang chairman sang Committee on Markets and Slaughterhouses sa Sangguniang Panlungsod sang syudad sang Bacolod para sa patigayunon nga night markets.
Suno kay Ting, ang night markets ang para sa mga vendors nga wala makagabot sang pwesto sa annex building sang nasambit nga merkado.
Nahibaluan nga ang night market ang natalana nga mag-operate humalin sa alas 6:00 sang gab-i tubtob sa alas 5:00 sa kaagahon kag ini ang magaoccupy sa isa ka side sang Amelia kag Mercedes Streets.
Suno kay Ting, dapat pag-abot alas 5:00 sang kaagahon nakapanghimos na ang mabaligya sa night market sang syudad.
Samtang, ang mga fruit vendors naman nga nagaoccupy sang dalan ang igaclear naman ang mga ini bangud sila ang ginapahanugutan lamang nga makabutang sang ila pwesto tubtob sa ila nga gutter.
