El Nino, makahatag sang benepisyo para sa sugarcane farmers; apang may-ara man sang risgo suno sa UNIFED

Para sa presidente sang United Sugar Producers Federation (Unifed) may maayo kag delikado nga epekto ang El Nino sa mga mangunguma.

Sa interview sang Bombo Radyo kay Manuel Lamata, ang mainit nga tiyempo nagabulig sa pagpatam-is sa tubo apang mabudlay naman ini kun wala sang irigasyon ukon pigado sa water supply ang mga farmers kun sa diin apektado ang ila produksyon para sa masunod nga tinuig.

Gani, nagpanawagan ini sa gobyerno nga kun may yara lang man sang budget, mas maayo nga magprocure sang dugang nga solar power irrigation system.

Suno kay Lamata, wala sang epekto ang tig-ilinit sa presyo sang kalamay nga ini pa gani manami para sa tubo nga magtam-is pa gid.