37 tanan ang ginakabig nga hot spot area sa kabug-usan nga Visayas para sa nagahilapit nga Barangay and Sangguniang Kabataan elections sa bulan sang Oktubre.
Ang election watchlist area nga yara sa karun sa Armed Forces of the Philippines-Visayas Command ang nakabase pa sang nakaligad nga election kag sa karun posible nga may pagbag-o sa sitwasyon gani ila pa ini nga iga-validate.
Sa interview sang Bombo Radyo kay Lt. Col. Israel Galorio, spokesperson sang Armed Forces of the Philippines-Visayas Command, ila pa iga-validate kun may yara sang pagbag-o sa ila nga election watchlist area, kun ini bala may pagdugang ukon pagbuhin.
Suno kay Galorio, makig-angot ini sa Commission on Elections agud mafinalize ang mga lugar nga nalakip sa election watchlist area.
