Nagapati ang presidente sang Association of Barangay Captains sa Negros Occidental nga malinong ang eleksyon sa probinsya.
Karun nga nagahilapit na ang Barangay and Sangguniang Kabataan Election, ginpahayag ni Villadolid Board Member Juvy Pepello, nga wala sang kabudlayan sa mga Barangay, apang may pipila lamang ka lugar nga nagapahayag nga may kabudlayan sa ila.
Nagapati si Pepello nga generally peaceful ang Negros Occidental para sa Barangay kag SK Elections.
Samtang, ang Department of the Interior and Local Government (DILG), Commission on Election (COMELEC) kag Philippine National Police (PNP) lamang ang makatumod kun makabig nga red zone ang isa ka Barangay.
Apang nagapati si Pepello nga kun ang alkalde ang wala sang kontra, nagasuporta man diri ang mga punong barangay, gani sila ang wala man sang kontra.
Apang kun 10 tubtob 20 porsyento sa mga Punong Barangay ang batok sa Alkalde, mahimo nga may magakontra man sa mga Punong Barangay nga supporters sini.
