Ginpasalig sang city agriculturist sang Kabankalan City nga gilayon nga nacordon ang mga lugar kun sa diin may natukiban nga positibo sa African Swine Fever (ASF).
Santo sa report sang Bureau of Animal Industry, tatlo ka mga barangay ang may nagpositibo sa ASF sa syudad sang Kabankalan nga ginlakipan sang Barangay 6, Linao kag Binicuil.
Suno kay Kabankalan City Agriculturist Ricky Muscosa, matapos maggwa ang result, gilayon man nila nga gintipon ang mga nagkalamatay nga baboy sa isa ka lugar, kag nagpatigayon sang culling sa 500 meter radius.
Ginapakamaayo naman sini nga humalin sang naggwa ang report, amat-amat naman nga naghinay ang paglapta sang balatian.
Dugang pa ni Muscosa nga localized naman ang ila nga pag-ihaw sang baboy ukon contained lamang sa sulod sang Kabankalan City.
