Negros Occidental Governor Bong Lacson, wala sang nakit-an nga problema sa pag-import sang pungsod sang 150,000 metric tons sang refined sugar

Wala si Negros Occidental Governor Eugenio Jose ‘Bong’ Lacson sang nakit-an nga problema sa pag-import sang pungsod sang 150,000 metric tons sang refined sugar.

Suno kay Lacson, nalipay ang mga local planters sang tinalikdan nga milling season bangud mahal ang mill gate price gani nagalaom ini nga mapabilin ang mataas nga bakal sang raw sugar.

Suno diri, wala ini nagapamatok sa importasyon sang kalamay basta indi magnubo ang presyo sang locally-produced kundi mapabilin ang mill gate price nga P3,000 kada sako ukon P60 per kilo.

Kampante naman ini nga mapangapinan sang Sugar Regulatory Administration ang local sugar industry bangud Negrense ang duha ka miyembro sang board.