Naghingyo sang pasaylo ang tag-iya sang caterer nga Big Belly Food to Go nga nagserbe sang pagkaon sa State of the City Address ni Mayor Alfredo Benitez sang Hulyo 5 kun sa diin may nagreport nga pan-os ang ila nakaon.
Sa statement nga ginpagwa ni Darwin Castañeda, nagpasalamat ini kay Benitez sa patas nga paghandle sang issue kag paghatag sa ila sang ligwa nga makapaathag paagi sa isa ka conference.
Naghingyo si Castañeda sang pasaylo sa mga naapektuhan sang ginaalegar pan-os nga pagkaon apang suno sa iya, wala nila ini ginhungod.
Handa man si Castañeda nga mamati sa mga natungdan agud mahibaluan kun ano ang ila ginbatyag.
Iya man ginpasalig nga ginatumod nila kun ano ang gintunaan sang insidente bangud ila ginatinguhaan nga safe ang pagpreparar sang pagkaon.
Suno diri, ila nga iga-improve ang preparasyon agud mapabilin ang negosyo nga nagacater sa publiko kag nagahatag man sang palangabuhian sa ila nga mga empleyado.
