Dead on the spot ang 22 anyos nga lalaki sa vehicular accident nga nagluntad sa Corazon Aquino drive Barangay Taculing, syudad sang Bacolod, kahapon.
Ang biktima ang ginkilala nga si Jinmar Albarico, 22 anyos, residente sang Purok Gonzaga, Barangay Taculing.
Sa interview sang Bombo Radyo kay Police Captain Dax Santillan, station commander sang Police Station 6, nagikan sa Sur kag padulong sa Norte nga direksyon ang byahe sang biktima.
Suno diri, ang motorsiklo sang biktima na-igo sa concrete gutter sa kilid sang dalan kag natumba ini.
May yara man sang helmet si Albarico, apang bangod sa mabaskog nga impact napuruhan ang ulo sini nga gintuna-an sang iya kamatayon.
Ginalantaw naman nga bangod sa mainulanon nga tiyempo ang rason kun ngaa nabunggo ini sa gutter.
Panugyan ni Santillan, kalakip sa mga rason kun ngaa nagaluntad ang aksidente sa dalanon amo ang katuyo, katugnaw, wala sang head light ang motor, madulom nga dalanon, kag kun yara sa impluwensya sang makahulubog nga ilimnon.
