17 ka mga lugar sa ciudad sang Bacolod ang ginbaha bangud sa sige-sige nga pag-ulan halin kahapon sang aga.
Suno kay Dr. Anna Maria Laarni Pornan, pinuno sang Bacolod City Disaster Risk Reduction and Management Office, ginpaidalom sa response phase ang CDRRMO kaupod ang Bureau of Fire Protection kag Philippine National Police bangud kinahanglan nga irescue ang yara sa ginbaha nga lugar.
10 areas ang may evacuees tubtub kaina sang udto nga ginalakipan sang 18 ka pamilya ukon 87 individuals sa Sum-ag Gym; apat sa Barangay 31 kag Barangay 41; 11 sa Taculing; 16 sa JR Torres Elementary School; isa sa Barangay 31 Barangay Hall; apat sa Taculing; pito sa Mansilingan Multi-purpose Hall; kag isa sa Leo Medel Elementary School sa Barangay Tangub.
Nagcoordinate naman sila sa Bacolod Traffic Authority Office bangud indi malabayan ang atubang sang Gaisano Grand Mall.
Alas-11:00 sang udto kahapon, nagconvene ang CDRRMC kag liwat nga nagsapol alas-1:00 sang hapon kahapon.
Naghatag sang instruction si Mayor Alfredo Benitez sa mga punong barangay sang tanan nga apektado nga barangay nga mangin yara na sa response phase.
