Paghatag sang food packs sa mga evacuees, ginapatutukan ni Bacolod City Mayor Albee Benitez

Ginpahayag ni Secretary to the Mayor Atty. Joseph Karol Chiu nga ginpatutukan sang alkalde ang pagpanagtag sang food packs sa mga evacuees sa nagkalain-lain nga barangay kadungan sang pagbaha.

Ginalista man sa karon ang mga pamilya nga nagub-an sang balay samtang ginhatagan naman sang instruction ang mga barangay officials nga magsumiter sang damage report.

Suno diri, dako ang posibilidad nga makabaton sang financial assistance ang mga nagub-an sang balay.

Sa kinaandan, P15,000 ang para sa totally-damaged samtang P10,000 naman para sa partially-damaged.

Suno kay Chiu, ginamonitor man ang ulan bangud ang kadamulon sang ulan sa Murcia kag Salvador Benedicto ang kaangay man sa accumulated rain sa ciudad sang Bacolod.