Ginahulat na lamang sang Murcia Municipal Police Station nga maclaim sang pamilya ang bangkay ni Richard Espinosa, 19 anyos, nga nasapwan sa Purok Mary 1, Barangay Canlandog, banwa sang Murcia, alas-10:00 kahapon sang aga.
Sa interview sang Bombo Radyo Bacolod kay Police Major Joel Reclamado, hepe sang Murcia Municipal Police Station, si Espinosa ang mahimo nakadanlog samtang nagakuha sang iya nakalawig nga karbaw kag ini ang naanod sa suba sa Purok Monarch sa nasambitan nga barangay.
Ini ang nasampay naman sa Purok Mary 1 nga malayo na sa Purok Monarch.
Suno kay Reclamado, si Espino ang ginkilala mismo sang ila nga punong barangay.
Ang pamilya sang biktima ang napakig-angutan naman sang punong barangay agud nga maclaim na ang bangkay sang ila nga himata.
