Nagpagwa na ang Bacolod City National High School sang ila nga schedule para sa enrolment para sa School Year 2023-2024.
Sa interview sang Bombo Radyo Bacolod kay Richard Gelangre, Principal sang Bacolod City National High School, natalana sa August 7 tubtob 11 ang enrolment sang Grade 7 kag Grade 11 samtang sa Grade 8, 9, kag 10 naman ang confirmation sang enrolees ang sa August 10 kag 11.
Suno kay Gelangre, natalana naman sa August 7 tubtob 11 ang confirmation sang mga Grade 12 students sang ila enrolment sa BCNHS.
May yara naman sang enrolment ang open highschool, ang para sa mga estudyante nga naga-self support ukon nagaubra agud nga makaeskwela kag ang may problema nga mga estudyante nga natalana sa August 23 tubtob 24.
Sa August 25 naman ang enrolment sang mga nag-untat nga mga estudyante ukon Balik-Aral kag sang mga Transferees.
Suno diri, sa tanan nga luyag magpa-enrol ang magdala lamang sang PSA Birth Certificate ukon Certificate of Live Birth, recent 2×2 picture apat ka bilog nga may white background, School Form 9 progress report card samtang ang incoming Grade 7 naman ang kinahanglan magdala sang Certificate of Completion magluwas sa nasambit nga requirements.
Ginaengganyo man ang tanan nga mga old students nga magsuksok sang school uniform bilang commitment agud nga indi mabudlay ang magpatuman sang disiplina magluwas nalang sa incoming Grade 7.
Ang mga lalaki ang ginaengganyo man nga magpagunting sang barbers cut samtang ang wala nakapagunting ang may yara man sang barbero nga ginkuha ang eskwelahan nga makagunting sang mga enrolees kag masarangan man ang presyo.
Nagapanawagan si Gelangre sa tanan ilabi na sa mga old students nga iconfirm ang ila pangalan nga sila ang magaeskwela sagihapon sa BCNHS sa natalana nga petsa kag indi na magpabuyan-buyan pa.
