Ginpatawag sa opisina sang Bacolod Traffic Authority Office ang apat ka regular traffic enforcers nga nagpositibo sa surprise drug test.
Sa interview sang Bombo Radyo kay BTAO head Police Major Junji Liba, ang apat ka enforcers ila ginpareport sa opisina kag wala na ini ginpa-atubang pa sa publiko samtang padayon ang imbestigasyon sa ila nga kaso.
Samtang, ang 32 naman ka JO’s ang ginpatawag sa tagsa nila ka barangay agud mapaidalum sa assessmet for profiling agud sila marekomendahan kun sila bala ipaidalum sa rehabilitasyon.
Sa karun, ginahatagan pa sang 15 ka adlaw ang mga empleyado sa pagchallenge sa resulta sang test apang sila na ang magagastos para sa confirmatory test.
Pahayag ni Liba, target nila nga tanan nga personnel sang BTAO ang mapaidalum sa drug test, kag may yara pa sang wala nakapa-drug test apang sila ang I-test man.
Mensahe ni Liba, nga indi na magsulod kag magkumiter sang ini nga illegal nga gawi.
Sa karun, may yara naman sang hiring ang BTAO kag ang mga ini ang ipaidalum sa screening kag lakip sa equirements ang pagpa-drug test agud masiguro nga wala sang problema sa pag-employ sa ila.
