Naggutok ang La Salle Avenue kaina sang aga kadungan sang pagbukas sang klase sang elementary kag high school sa University of Saint La Salle Bacolod.
Sa interview sang Bombo Radyo kay Police Major Junji Liba, pinuno sang Bacolod Traffic Authority Office, alas 6:00 sang aga, nagconduct ang BTAO sang briefing sa personnel nga ideploy sa area.
Alas 7:00 sang aga nagsugod ang paggutok sang trapiko kag ini ang nagdugay sang 40 ka minutos.
Samtang, nabatyagan naman ang katawhay sang trapiko alas-8:00 sang aga.
Suno kay Liba, 90 porsyento sang pribado nga salakyan ang nakita sini nga nagpagutok sa dalanon kag iya naman ini ginpaabot samtang ang mga motorista naman nga nagdul-ong sang ila estudyante, wala na nagatinir pa para magtuga sang trapiko.
Dugang pa ang gina-construct nga drainage sa dalan, kag apisar nga indi sini luyag nga magpark ang mga salakyan sa atubang, ginpahunugotan na lang ini.
Luyag man sini nga ireport ang status sang drainage construction agud mahatagan sang ligwa ang dalan.
Plano man sini nga ipatuman ang one way route bangod nga nagagutok kun magsugat-anay ang mga salakyan.
Liwat naman nga ginbalik sa ila tagsa ka respective post ang enforcers nga gin-augment.
Samtang, balantayan naman ang pagbukas sang klase para sa college kasubong man sa iban nga mga buluthuan sssnga dako naman nga preparahan sang Bacolod Traffic Authority Office.
